MAMELODI SUNDOWNS MABINGWA (CAF CHAMPIONS 2026)

-
Na,Thadeo Gelema 

 ​Miamba ya soka kutoka Afrika Kusini, Mamelodi Sundowns (Bafana Ba Style), imetawazwa rasmi kuwa Mabingwa wapya wa Afrika baada ya kulazimisha sare ya 1-1 ugenini dhidi ya AS FAR Rabat ya Morocco katika mchezo wa pili wa Fainali ya CAF Champions League uliopigwa Jumapili, Mei 24, 2026, kwenye Uwanja wa Prince Moulay Abdellah jijini Rabat.

​Kwa sare hiyo, Mamelodi Sundowns inayofundishwa na kocha Miguel Cardoso imetwaa ubingwa huo mkubwa zaidi ngazi ya klabu barani Afrika kwa ushindi wa jumla wa mabao 2-1 (aggregate), kufuatia ushindi wao wa bao 1-0 walioupata katika mchezo wa kwanza uliopigwa wiki iliyopita kwenye Uwanja wa Loftus Versfeld jijini Pretoria.

​Dakika 90 za Moto Jijini Rabat:

​Katika mchezo huo wa marudiano uliopigwa mbele ya umati mkubwa wa mashabiki wa Morocco, wenyeji AS FAR walikuwa wa kwanza kupata bao la uongozi mnamo dakika ya 40 kupitia mkwaju wa penati uliopigwa kwa usahihi na nahodha wao, Mohamed Hrimat, kufuatia faulu iliyofanywa na Divine Lunga na kuthibitishwa na mtambo wa VAR.

​Hata hivyo, furaha ya wenyeji haikudumu kwa muda mrefu kwani kiungo fundi wa kimataifa wa Sundowns, Teboho Mokoena, alisawazisha goli hilo katika dakika za nyongeza za kipindi cha kwanza (45+7') kwa shuti kali la kwanza lililogonga mwamba wa juu kabla ya kutinga nyavu, akipokea pasi kutoka kwa Tashreeq Matthews.

​Kipindi cha pili kilishuhudia nidhamu kubwa ya ulinzi kutoka kwa safu ya ulinzi ya Mamelodi Sundowns chini ya kipa Ronwen Williams aliyekuwa imara kuzuia mashambulizi ya hatari ya AS FAR yaliyokuwa yakielekezwa golini kwake.

Kwa ujumla, ​Huu unakuwa ubingwa wa pili wa kihistoria wa CAF Champions League kwa klabu ya Mamelodi Sundowns, baada ya kutwaa mara ya kwanza 2016 ikiifunga Zamalek. wakihitimisha safari yao ya kishujaa barani Afrika kwa kubeba ndoo hiyo kubwa msimu huu!

​👉 Endelea Kusoma na kutembelea sasa: thadeomedia5.blogspot.com


Maoni

Chapisha Maoni

Machapisho maarufu kutoka blogu hii

𝐁𝐑𝐄𝐀𝐊𝐈𝐍𝐆 𝐍𝐄𝐖𝐒: 𝐌𝐇𝐄. 𝐃𝐊𝐓. 𝐒𝐀𝐌𝐈𝐀 𝐀𝐌𝐄𝐅𝐀𝐍𝐘𝐀 𝐔𝐓𝐄𝐔𝐙𝐈

-
Picha
Na, Thadeo Gelema  Kwa mujibu wa taarifa iliyotolewa leo Mei 20, 2026 na Katibu Mkuu Kiongozi Balozi Dkt. Moses Kusiluka, walioteuliwa ni: Mhe. Abdi Shaaban Kagomba (Kutoka Kanda ya Dodoma) ​Mhe. Yohane Bokobora Masara (Kutoka Kanda ya Arusha) ​Mhe. Immaculata Kajetan Banzi (Kutoka Kanda ya Kagera) ​Mhe. Rabia Hussein Mohamed (Kutoka Mahakama Kuu ya Zanzibar) ​Mhe. Cyprian Phocas Mkeha (Kutoka Divisheni ya Biashara, DSM) ​Mhe. Yose Joseph Mlyambina (Kutoka Divisheni ya Kazi, DSM) ​kwa ujumla, uapisho wa Majaji hao wateule utafanyika kwa tarehe itakayopangwa baadaye.
Read more »

BREAKING: RAIS SAMIA AFANYA UTEUZI MBALIMBALI

-
Picha
DAR ES SALAAM: Rais wa Jamhuri ya Muungano wa Tanzania, Dkt. Samia Suluhu Hassan, amefanya uteuzi wa Wenyeviti wa Bodi katika taasisi mbalimbali za umma nchini . Na, Thadeo Gelema  ​Kwa mujibu wa taarifa rasmi iliyotolewa leo Ijumaa, Mei 22, 2026, na Katibu Mkuu Kiongozi, Balozi Dkt. Moses Kusiluka, uteuzi huo unajumuisha viongozi wafuatao waliopangiwa  kusimamia bodi hizo muhimu: ​ Orodha ya Walioteuliwa na Taasisi Zao: Ludovick James Nduhiye – Ameteuliwa kuwa Mwenyekiti wa Bodi ya Ushauri ya Kumbukumbu na Nyaraka za Taifa. Dkt. Irene Charles Isaka – Ameteuliwa kuwa Mwenyekiti wa Bodi ya Wadhamini ya Mfuko wa Taifa wa Hifadhi ya Jamii (NSSF). Jamhuri Joseph Ngelime – Ameteuliwa kuwa Mwenyekiti wa Bodi ya Wadhamini ya Mfuko wa Hifadhi ya Jamii kwa Watumishi wa Umma (PSSSF). ​ kwa ujumla , Ufanisi Katika Utendaji ​Kwa mujibu wa taarifa iliyoripotiwa na Millard Ayo UPDATES, uteuzi huu wa viongozi unatarajiwa kuongeza kasi ya kiutendaji, uwajibikaji, pamoja na kuboresha mifumo ya...
Read more »

𝐓𝐀𝐇𝐀𝐃𝐇𝐀𝐑𝐈: 𝐏𝐎𝐋𝐈𝐒𝐈 𝐖𝐀𝐊𝐀𝐍𝐔𝐒𝐇𝐀 𝐔𝐕𝐔𝐌𝐈 𝐌𝐖𝐀𝐍𝐀𝐅𝐔𝐍𝐙𝐈 𝐔𝐃𝐎𝐌 𝐊𝐔𝐖𝐀𝐖𝐀

-
Picha
Na, Thadeo Gelema  DODOMA : Jeshi la Polisi nchini limetoa taarifa rasmi kwa umma likitaka wananchi kupuuza picha mjongeo (video) inayosambaa kwa kasi kwenye mitandao ya kijamii, likieleza kuwa taarifa hizo ni za uongo na uzushi wenye lengo la kuzua taharuki. ​Video hiyo inayosambazwa inaonyesha picha ya maiti ikiambatana na maandishi yanayodai kuwa ni mwanafunzi wa Chuo Kikuu cha Dodoma (UDOM) aliyetekwa, kubakwa, kuuawa na kisha mwili wake kutelekezwa chumba cha kuhifadhia maiti (mortuary) mkoani Dodoma Huku wengine wakizidi kuandika kulingana na wanayo amini wao. ​ Ufafanuzi wa Jeshi la Polisi Chanzo cha Picha na Taarifa:  Polisi Tanzania on Instagram  Kupitia taarifa iliyotolewa leo Jumamosi, Mei 23, 2026, na Msemaji wa Jeshi la Polisi Makao Mkuu ya Polisi Dodoma, imesisitizwa kuwa: ​Hakuna tukio kama hilo lililotokea mkoani Dodoma wala katika maeneo mengine yoyote nchini Tanzania. ​Hata kama ingekuwa ni tukio la kweli lililotokea mahali popote, picha na video za nam...
Read more »