𝐌𝐀𝐌𝐀 𝐖𝐀𝐉𝐀𝐖𝐀𝐙𝐈𝐓𝐎 𝐄𝐏𝐔𝐊𝐄𝐍𝐈 𝐒𝐀𝐅𝐀𝐑𝐈 𝐍𝐃𝐄𝐅𝐔 𝐌𝐊𝐈𝐊𝐀𝐑𝐈𝐁𝐈𝐀 𝐊𝐔𝐉𝐈𝐅𝐔𝐍𝐆𝐔𝐀

-

Na, Thadeo Gelema 

Wanawake wajawazito wametakiwa kuepuka safari ndefu za mabasi wanapokuwa karibu kujifungua ili kujiepusha na madhara yanayoweza kuhatarisha maisha yao pamoja na watoto wanaowatarajia.

Picha: Sajenti David Ndimila akitoa elimu kwa wasafiri kuhusu usalama wa mama wajawazito safarini.

Elimu hiyo imetolewa na Askari Polisi wa Kikosi cha Usalama Barabarani Mkoa wa Shinyanga, Sajenti David Ndimila, alipokuwa akizungumza na wasafiri ndani ya Stendi Kuu ya Mabasi Mkoa wa Shinyanga.

Picha: Elimu ya usalama barabarani ikiendelea kutolewa kwa wajawazito katika Stendi Kuu ya Mabasi Shinyanga

Sajenti Ndimila amesema wanawake wajawazito wanaosafiri wakiwa karibu kujifungua hukabiliwa na changamoto mbalimbali zikiwemo kujifungua ghafla ndani ya basi pasipo uwepo wa wakunga au vifaa tiba vya kumsaidia mama na mtoto.

Picha: Wanawake wajawazito wakishauriwa kuepuka safari ndefu wanapokaribia kujifungua.

Aidha, amesema mashimo yaliyopo barabarani pamoja na mitikisiko ya mabasi vinaweza kuhatarisha afya ya mama mjamzito, huku kukaa muda mrefu bila kutembea kukiongeza hatari ya damu kuganda miguuni.

Pia, ameeleza kuwa baadhi ya wanawake wajawazito hukumbana na changamoto ya msongo wa mawazo na unyanyasaji wanapokuwa safarini, hasa pale mabasi yanapokuwa yamejaa na kulazimika kusimama au kukosa nafasi nzuri ya kukaa.


Kutokana na hali hiyo, Sajenti Ndimila amewataka wananchi kuendelea kutoa elimu hiyo katika ngazi ya familia ili kusaidia kulinda afya na usalama wa mama mjamzito pamoja na mtoto anayetarajiwa kuzaliwa.

Sambamba na hilo, wanawake wajawazito wameshauriwa kutumia magari binafsi au usafiri wenye mazingira rafiki zaidi wanapokuwa karibu kujifungua ili kupunguza hatari zinazoweza kujitokeza wakiwa safarini.

Picha: Elimu ya usalama barabarani inaendelea kutolewa kwa wananchi ili kulinda maisha ya wajawazito safarini.

Kwa ujumla, elimu hiyo inalenga kulinda afya na usalama wa mama wajawazito pamoja na watoto wanaowatarajia kwa kuwashauri kuepuka safari ndefu wanapokaribia kujifungua.

Maoni

Chapisha Maoni

Machapisho maarufu kutoka blogu hii

𝐁𝐑𝐄𝐀𝐊𝐈𝐍𝐆 𝐍𝐄𝐖𝐒: 𝐌𝐇𝐄. 𝐃𝐊𝐓. 𝐒𝐀𝐌𝐈𝐀 𝐀𝐌𝐄𝐅𝐀𝐍𝐘𝐀 𝐔𝐓𝐄𝐔𝐙𝐈

-
Picha
Na, Thadeo Gelema  Kwa mujibu wa taarifa iliyotolewa leo Mei 20, 2026 na Katibu Mkuu Kiongozi Balozi Dkt. Moses Kusiluka, walioteuliwa ni: Mhe. Abdi Shaaban Kagomba (Kutoka Kanda ya Dodoma) ​Mhe. Yohane Bokobora Masara (Kutoka Kanda ya Arusha) ​Mhe. Immaculata Kajetan Banzi (Kutoka Kanda ya Kagera) ​Mhe. Rabia Hussein Mohamed (Kutoka Mahakama Kuu ya Zanzibar) ​Mhe. Cyprian Phocas Mkeha (Kutoka Divisheni ya Biashara, DSM) ​Mhe. Yose Joseph Mlyambina (Kutoka Divisheni ya Kazi, DSM) ​kwa ujumla, uapisho wa Majaji hao wateule utafanyika kwa tarehe itakayopangwa baadaye.
Read more »

BREAKING: RAIS SAMIA AFANYA UTEUZI MBALIMBALI

-
Picha
DAR ES SALAAM: Rais wa Jamhuri ya Muungano wa Tanzania, Dkt. Samia Suluhu Hassan, amefanya uteuzi wa Wenyeviti wa Bodi katika taasisi mbalimbali za umma nchini . Na, Thadeo Gelema  ​Kwa mujibu wa taarifa rasmi iliyotolewa leo Ijumaa, Mei 22, 2026, na Katibu Mkuu Kiongozi, Balozi Dkt. Moses Kusiluka, uteuzi huo unajumuisha viongozi wafuatao waliopangiwa  kusimamia bodi hizo muhimu: ​ Orodha ya Walioteuliwa na Taasisi Zao: Ludovick James Nduhiye – Ameteuliwa kuwa Mwenyekiti wa Bodi ya Ushauri ya Kumbukumbu na Nyaraka za Taifa. Dkt. Irene Charles Isaka – Ameteuliwa kuwa Mwenyekiti wa Bodi ya Wadhamini ya Mfuko wa Taifa wa Hifadhi ya Jamii (NSSF). Jamhuri Joseph Ngelime – Ameteuliwa kuwa Mwenyekiti wa Bodi ya Wadhamini ya Mfuko wa Hifadhi ya Jamii kwa Watumishi wa Umma (PSSSF). ​ kwa ujumla , Ufanisi Katika Utendaji ​Kwa mujibu wa taarifa iliyoripotiwa na Millard Ayo UPDATES, uteuzi huu wa viongozi unatarajiwa kuongeza kasi ya kiutendaji, uwajibikaji, pamoja na kuboresha mifumo ya...
Read more »

𝐓𝐀𝐇𝐀𝐃𝐇𝐀𝐑𝐈: 𝐏𝐎𝐋𝐈𝐒𝐈 𝐖𝐀𝐊𝐀𝐍𝐔𝐒𝐇𝐀 𝐔𝐕𝐔𝐌𝐈 𝐌𝐖𝐀𝐍𝐀𝐅𝐔𝐍𝐙𝐈 𝐔𝐃𝐎𝐌 𝐊𝐔𝐖𝐀𝐖𝐀

-
Picha
Na, Thadeo Gelema  DODOMA : Jeshi la Polisi nchini limetoa taarifa rasmi kwa umma likitaka wananchi kupuuza picha mjongeo (video) inayosambaa kwa kasi kwenye mitandao ya kijamii, likieleza kuwa taarifa hizo ni za uongo na uzushi wenye lengo la kuzua taharuki. ​Video hiyo inayosambazwa inaonyesha picha ya maiti ikiambatana na maandishi yanayodai kuwa ni mwanafunzi wa Chuo Kikuu cha Dodoma (UDOM) aliyetekwa, kubakwa, kuuawa na kisha mwili wake kutelekezwa chumba cha kuhifadhia maiti (mortuary) mkoani Dodoma Huku wengine wakizidi kuandika kulingana na wanayo amini wao. ​ Ufafanuzi wa Jeshi la Polisi Chanzo cha Picha na Taarifa:  Polisi Tanzania on Instagram  Kupitia taarifa iliyotolewa leo Jumamosi, Mei 23, 2026, na Msemaji wa Jeshi la Polisi Makao Mkuu ya Polisi Dodoma, imesisitizwa kuwa: ​Hakuna tukio kama hilo lililotokea mkoani Dodoma wala katika maeneo mengine yoyote nchini Tanzania. ​Hata kama ingekuwa ni tukio la kweli lililotokea mahali popote, picha na video za nam...
Read more »